У Бруселі заявілі, што Лукашэнку засталося нядоўга чакаць
"Савет ЕС даў зялёнае святло для падрыхтоўкі новага санкцыйнага спісу".
Еўрасаюз завяршае тэхнічную працу па ўвядзенні санкцый у дачыненні Аляксандра Лукашэнкі. Пра гэта заявіў кіраўнік еўрапейскай дыпламатыі Жазэп Барэль. 20 кастрычніка ён выступіў на пленарнай сесіі Еўрапарламента ў Бруселі, паведамляе ТАСС.
"Савет ЕС даў зялёнае святло для падрыхтоўкі новага санкцыйнага спісу, у які ўвойдзе Лукашэнка, — гаварыў Барэль. — Тэхнічная праца пачалася адразу ж пасля пасяджэння Савета і завершыцца хутка".
"Урад Лукашэнкі" чакае ізаляцыя, дадаў кіраўнік еўрапейскай дыпламатыі.
Раней у "чорны спіс" ЕС трапілі чатыры дзясяткі афіцыйных асобаў з Беларусі, адказных за фальсіфікацыю вынікаў прэзідэнцкіх выбараў і за гвалт супраць мірных пратэстоўцаў. Брусель спачатку не ўключаў у яго Аляксандра Лукашэнку, пакідаючы магчымасць для кантактаў з ім.
Important discussion in @Europarl_EN on Permanent Structured Cooperation (PESCO) a key tool for Member States willing to cooperate more on #EUdefence. Proud of what has been done so far. PESCO strategic review will be opportunity to set ambitious objectives for the next phase. pic.twitter.com/hoceQOppcd
— Josep Borrell Fontelles (@JosepBorrellF) October 20, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.