У Беларусі затрымалі сваяка "каліноўца"

У Беларусі затрымалі сваяка "каліноўца"

Сілавікі затрымалі жыхара Бабруйска Сяргея Франчука, паведамляюць праваабаронцы "Вясны". У праўладных ТГ-каналах з'явілася "пакаяльнае відэа" з яго ўдзелам.

Мужчына заяўляе, што ўдзельнічаў у пратэстах пасля выбараў, а таксама пісаў негатыўныя каментары пра супрацоўнікаў міліцыі.

На відэа ён кажа, што з'яўляецца стрыечным братам Вадзіма Кабанчука — намесніка камандзіра ў палку Каліноўскага. 

Паведамляецца, што Франчуку прысудзілі 15 сутак арышту — нібыта за "непадпарадкаванне".

Дарэчы, на "пакаяльным відэа" ён стаіць з залепленым ілбом. Праваабаронцы кажуць, што пры затрымання Сяргея моцна збілі.

Гэта не першае затрыманне ў Беларусі сваякоў "каліноўцаў". Раней паведамлялася, што былі затрыманыя родныя Васіля Парфянкова, які нядаўна загінуў. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі