У Беларусі заблакавалі сайт “Народнай Волі”

У Беларусі заблакавалі сайт “Народнай Волі”

Мінінфарм заблакаваў сайт газеты "Народная Воля", паведамляе прэс-служба БАЖ.

"Будзем спадзявацца, што часова. Але на сённяшні момант інтэрнэт-рэсурс не адкрываецца ні з Беларусі, ні з-за мяжы. Блакіроўка настолькі глыбокая, што мы не маем доступу нават да адмінкі сайта, каб выправіць тыя недахопы, на якія звярнула нашу ўвагу Міністэрства інфармацыі", — піша рэдакцыя выдання.

У "Народнай Волі" разлічваюць, што праблему ўдасца вырашыць бліжэйшым часам. 

"Рэдакцыя па-ранейшаму знаходзіцца ў Беларусі, мы строга прытрымліваемся дзеючага заканадаўства, працуем адкрыта і легальна", — заяўляюць у рэдакцыі.

Чытачам газеты нагадваюць, што на сёння рэдакцыя мае тэлеграм-канал і электронную версію газеты, якая выходзіць двойчы на тыдзень. Падпісацца на PDF-версію, якая будзе прыходзіць на электронную пошту можна праз сайт belpressa.by. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі