У Беларусі за кратамі 37 прадстаўнікоў медыя — БАЖ
Так Дзмітрыя Суслава сустракалі пасля вызвалення ў чэрвені 2022-га / t.me/bajby
Затрыманага ў Бабруйску журналіста выдання "Коммерческий курьер" Дзмітрыя Суслава асудзілі на 15 сутак адміністрацыйнага арышту. Яго абвінавацілі ў "распаўсюдзе экстрэмісцкіх матэрыялаў". Якіх канкрэтных — невядома, паведамляе @bajby.
У пачатку лета 2022-га Суславу пасля ператрусу далі 15 сутак арышту па той жа надуманай прычыне. Увесь тэрмін ён правёў у карцары.
Такім чынам за кратамі цяпер у Беларусі 37 прадстаўнікоў медыя.
