У Беларусі створаць "народнае апалчэнне"

У Беларусі будзе створанае народнае апалчэнне. Пра гэта заявіў міністр абароны Віктар Хрэнін, перадае Sputnik.

Па яго словах, такую задачу на нарадзе 26 траўня паставіў Аляксандр Лукашэнка.

"На ўчорашняй нарадзе ў рамках карэктавання пытанняў удакладнення развіцця Узброеных сіл галоўнакамандуючы паставіў задачу ў тым ліку стварыць у краіне народнае апалчэнне. Гэтае пытанне, мы бачым, сапраўды важнае. Самае галоўнае ёсць і людзі, і ўзбраенне", — заявіў міністр.

Чым "народнае апалчэнне" будзе адрознівацца ад ужо існуючых войскаў тэрытарыяльнай абароны, не паведамляецца.

Напярэдадні  Лукашэнка правёў нараду з кіраўніцтвам Мінабароны. Па яе выніках стала вядома, што ў Беларусі пачалі ствараць Паўднёвае аператыўнае камандаванне. Яго задачай будзе, як выглядае, украінскі кірунак.