У Беларусі прыбавілася восем новых палітвязняў
Цяпер іх 1133 чалавекі.
Праваабаронцы прызналі палітвязнямі яшчэ восем чалавек.
Гэта Ганна Пышнік, Андрэй Уткін, Віктар Кулінка, Ірына Абдукерына, Алег Барадзін, Іван Яснікаў, Мікіта Слепянок, Віктар Бедрый.
Большасць з іх узятая пад варту за тое, што перадавалі адмінам ТГ-каналаў звесткі пра перамяшчэнне расійскай вайсковай тэхнікі, якая накіроўвалася для вайны ва Украіну.
Мікіта Слепянок узяты пад варту за стварэнне культурніцка-гістарычнага тэлеграм-канала Rezystans, які МУС прызнаў экстрэмісцкім фармаваннем. А Віктара Бедрыя за стварэнне рэгіянальнага ТГ-канала, прызнанага экстрэмісцкім фармаваннем, ужо нават асудзілі на тры гады.
На сёння ў Беларусі 1133 палітвязні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.