У Баранавічах міліцыя сарвала забастоўку таксістаў
Раніцай 10 траўня ў Баранавічах міліцыя сарвала забастоўку таксістаў "Яндэкса". Як піша intex-press.by, на паркоўцы "Кароны", дзе кіроўцы збіраліся абмеркаваць патрабаванні да расійскай платформы (па паляпшэнні аплаты і ўмоў працы), іх чакалі даішнікі і амапаўцы. Як толькі пад'язджала таксі, да аўтамабіля падыходзілі інспектары і "прасілі" з'ехаць. Пры гэтым нумары машын перапісваліся.
Інфармацыя пра запланаваную забастоўку была ў сацсетках, таму не дзіўна, што сілавікі падрыхтаваліся і нанеслі "прэвентыўны ўдар".
Тыдзень таму кіроўцы таксі баставалі ў Бабруйску.
