Тры мінчукі ўклалі 150 тысяч долараў у арганізацыю дамоўных гульняў у Расіі

Тры мінчукі пагарэлі на арганізацыі дамоўных матчаў у Расіі / pixabay.com
Тры мінчукі пагарэлі на арганізацыі дамоўных матчаў у Расіі / pixabay.com

Аператыўнікі затрымалі трох мінчукоў за арганізацыю дамоўных матчаў. Сюжэт пра гэта выйшаў у праграме "Зона Х" на тэлеканале "Беларусь 1", піша @bysportby.

Яшчэ ў 2020 годзе магілёвец прапанаваў знаёмаму мінчуку ўкласці грошы ў арганізацыю дамоўных гульняў у Расіі ды атрымліваць прыбытак ад ставак. Мужчыну спадабалася задума, і ён далучыў да справы яшчэ двух кампаньёнаў. Разам яны ўклалі ў гэты праект 150 тысяч долараў. Пра які від спорту ідзе гаворка, у сюжэце не ўдакладняецца.

Бізнес-ідэя, аднак, аказалася правальнай. Кампаньёны мелі на руках даўгавыя распіскі, але законным спосабам вяртаць свае грошы не сталі. Яны запрасілі магілёўца ў Мінск, забралі ў яго тэлефон і вывезлі ў лес. Ужываючы гвалт і пагражаючы расправай над сваякамі, яны запатрабавалі вярнуць 150 тысяч долараў. Пры гэтым мужчыны прымусілі ахвяру распрануцца і знялі яго на відэа.

Мінскія міліцыянты пачалі на кампаньёнаў крымінальныя справы за выкраданне чалавека і прымус да выканання абавязацельстваў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі