Трамп пацвердзіў намер паўдзельнічаць у прэзідэнцкіх выбарах 2024 года

Дональд Трамп / Reuters
Дональд Трамп / Reuters

Дональд Трамп пацвердзіў намер паўдзельнічаць у прэзідэнцкіх выбарах 2024 года. "Каб зноў зрабіць Амерыку вялікай", — так патлумачыў гэта экс-прэзідэнт ЗША.

Як паведамляе "Голас Амерыкі", Трамп зрабіў заяву у аўторак вечарам у сваёй рэзідэнцыі ў Фларыдзе, "у надзеі апярэдзіць патэнцыйных супернікаў-рэспубліканцаў". Перад гэтым яго памочнікі падалі дакументы на прэзідэнцкую заяўку.

Рашэнне Дональда Трампа ўдзельнічаць у прэзідэнцкіх выбарах было агучана пасля прамежкавых выбараў у Кангрэс, вынікі якіх расчаравалі рэспубліканцаў. Частка іх вінаваціць у гэтым менавіта Трампа.

Магчымымі сапернікамі Дональда Трампа сярод рэспубліканцаў называюць 63-гадовага былога віцэ-прэзідэнта Майка Пенса і 44-гадовага губернатара Фларыды Рона Дэсанціса.

Трампу 76 гадоў. Ён быў прэзідэнтам ЗША ў 2017-2021 гадах.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі