Вы тут

TikTok выдаліў акаўнт "Sputnik Беларусь"

Сацсетка TikTok — супраць расійскай прапаганды / pixabay.com

Расійская прапаганда зазнала чарговыя страты: сацсетка TikTok выдаліла акаўнт "Sputnik Беларусь".

Адміны сацсеткі заблакавалі доступ да профіля "Sputnik Беларусь", а ўвесь кантэнт выдалілі. 

Ніякіх тлумачэнняў рэдакцыя не атрымала. Супрацоўнікі "Sputnik Беларусь" мяркуюць, што прычыны выдалення былі палітычныя, бо, маўляў, ніякіх парушэнняў нормаў сацсеткі яны не дапускалі.

Раней у сакавіку 2022-га быў заблакаваны доступ карыстальнікаў да YouТube-канала агенцтва.

Таксама TikTok ўжо блакаваў акаўнты Sputnik Малдова, Sputnik Кыргызстан і RT DE. Пазней сацсетка аднавіла доступ да заблакаваных акаўнтаў. Прычым акаўнт RT DE быў адноўлены, але доступ да яго ў краінах Еўрасаюза быў заблакаваны.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.