Сяргея Ціханоўскага этапавалі ў Гомель
Сяргея Ціханоўскага этапавалі ў СІЗА-3 у Гомелі. Пра гэта паведамляе тэлеграм-канал руху Ціханоўскага, які ўлады абвясцілі экстрэмісцкім.
Таксама ў Гомель днямі этапаваны блогер Ігар Лосік. Неўзабаве там пачнецца суд над самім Сяргеем Ціханоўскім, яго паплечнікамі і тымі, каго ўлады лічаць яго паплечнікамі.
Палітык Мікола Статкевіч, якога, верагодна, таксама будуць там судзіць, паведаміў у лісце з-за кратаў, што Генпракуратура выставіла фігурантам справы пазоў на 3,078 мільёна рублёў ($1,2 млн).
