Супраць спявачкі Аляксандры Захарык распачалі крымінальную справу
Аляксандра Захарык / З архіва Еўрарадыё
Супраць спявачкі Аляксандры Захарык распачалі крымінальную справу. Артыкул — "Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" (арт. 342 КК). Яе перавялі ў мінскі СІЗА № 1, піша @viasna96.
Пра затрыманне Захарык стала вядома 30 студзеня. У яе дома прайшоў ператрус. Спачатку спявачка знаходзілася на Акрэсціна.
34-гадовая Аляксандра Захарык — адна з найлепшых беларускіх джазавых спявачак. Яна выступала з гуртом Apple Tea, працавала над уласным праектам ZAKHARIK, удзельнічала ў адборы на "Еўрабачанне" ад Беларусі.
