Вы тут

Суд у Мінску над палітвязнем Алегам Корбанам зрабілі закрытым

Алег Корбан / З архіву alternativaby.net

Суд у Мінску над палітвязнем Алегам Корбанам зрабілі закрытым, паведамляе spring96.org. Яго абвінавачваюць у "арганізацыі і падрыхтоўцы дзеянняў, што груба парушаюць грамадскі парадак, альбо актыўным ўдзеле ў іх". 21 красавіка крымінальную справу пачаў разглядаць суд Маскоўскага раёна, суддзя — Вольга Малашэнка. Чаму яна зрабіла суд закрытым, пакуль невядома.

Корбана спачатку затрымалі ў кастрычніку 2020-га, за "ўдзел у несанкцыянаваным мерапрыемстве" ён атрымаў 15 сутак арышту. Пасля яго перавялі ў СІЗА № 1, стала вядома пра крымінальную справу.

Алегу Корбану 36 гадоў. Ён быў маладафронтаўцам, пасля — сябрам Аб'яднанай грамадзянскай партыі, кіраваў у Мінску арганізацыяй "Маладыя дэмакраты", з'яўляецца лідарам грамадскай ініцыятывы "Альтэрнатыва". Неаднаразова затрымліваўся.

У снежні мінулага года Корбана прызналі палітзняволеным.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.