Стралкоў: нікуды Лукашэнка ўжо не дзенецца

Камандзір расійскіх дыверсантаў у Крыме і на Данбасе ў 2014-м, палкоўнік ФСБ у адстаўцы Ігар Стралкоў (Гіркін) у сваім чарговым стрыме выказаўся наконт перспектывы ўступлення Беларусі ў вайну супраць Украіны. "Я ўпэўнены, што Беларусь, рана ці позна, уступіць у вайну, — кажа ён. — Нікуды яна цяпер ужо не дзенецца. Але Лукашэнка будзе цягнуць да апошняга. Гэта 100%".

У траўні Стралкоў заяўляў, што "ваяваць беларусам усёроўна давядзецца". Ён лічыў, што гэта будзе "абарончая вайна".