Статкевіч піша, што ў камеры з рэпрадуктара круцяць запісы інтэрв'ю Лукашэнкі
Палітвязень Мікалай Статкевіч сцвярджае, што яго катуюць гукам. Гэта вынікае з адказаў на пытанні, якія атрымала Deutsche Welle. Палітык знаходзіцца за кратамі з канца вясны 2020-га, цяпер ён у турме ў Жодзіне.
"З рэпрадуктара круцяць запісы інтэрв'ю Лукашэнкі, пакаянні зняволеных, службовыя інструкцыі, — піша Статкевіч. — Сіла гуку такая, што нават тэлевізар на максімальнай гучнасці не чуваць. Такое адбываецца толькі ў маёй камеры".
Палітвязень паведамляе, што часам такое катаванне можа працягвацца ўсю ноч. Праўда, гук памяншаюць, каб вязні ў іншых камерах маглі спаць.
Мікалай Статкевіч змог адаптавацца да такіх умоў — зрабіў сабе берушы з губкі для мыцця посуду.
Палітвязня абвінавачваюць у "падрыхтоўцы масавых беспарадкаў". Статкевічу пагражае да васьмі гадоў зняволення.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.