Справу галоўнага рэдактара “Ежедневника” накіравалі ў суд

Справу галоўнага рэдактара “Ежедневника” накіравалі ў суд

Следчы камітэт перадаў крымінальную справу супраць рэдактара “Ежедневника” Сяргея Сацука ў пракуратуру, паведамляе БАЖ. Адтуль справа будзе накіраваная ў суд.

Сяргей Сацук знаходзіцца за кратамі з 8 снежня мінулага года. Ён утрымліваецца ў СІЗА-1 на вул. Валадарскага ў Мінску.

Дакладна невядома, у чым вінавацяць Сацука. Ён быў затрыманы па справе аб хабары ў снежні 2021 года, але тэрмін утрымання пад вартай па гэтай справе павінны быў скончыцца ў маі.

У чэрвені на сувязь з БАЖ выйшаў былы сукамернік зняволенага журналіста. Па яго словах, за некалькі дзён да канца тэрміну Сяргею прад'явілі абвінавачанні па новых артыкулах:

- 130 ч.2 КК — распальванне варожасці з  выкарыстаннем службовых паўнамоцтваў;

- 426 ч.2 КК — перавышэнне службовых паўнамоцтваў з карысных ці іншых памкненняў.

Сацук скардзіўся на стан здароўя. У лютым ягоныя сябры і родныя звярталіся ў Следчы камітэт, каб журналіста выпусцілі пад іх асабістае паручальніцтва, але атрымалі адмову.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі