Сабаленка захавала другі радок у рэйтынгу, Азаранка ўжо 18-я ракетка свету
Лідары ўтрымліваюць свае пазіцыі / Ілюстрацыйнае фота pixabay.com
У панядзелак Жаночая тэнісная асацыяцыя апублікавала абноўлены рэйтынг. Іга Свёнтак з Польшчы застаецца першай ракеткай свету, беларуска Арына Сабаленка — па-ранейшаму другая (у яе было няўдалае выступленне на турніры ў Рыме). Вікторыя Азаранка апусцілася на радок і ўжо 18-я ракетка свету. Аляксандра Сасновіч страціла шэсць пазіцый і цяпер 50-я ў рэйтынгу.
У рэйтынгу Асацыяцыі тэнісістаў-прафесіяналаў лідыруе іспанец Карлас Алькарас. Беларус Ілля Івашка з 73-га месца апусціўся на 86-е.
