Рускае фармаванне УСУ апублікавала відэа з Бранскай вобласці
Байцы "Рускага добраахвотніцкага корпуса" / кадр з відэа
Расіяне ўварваліся на тэрыторыю Расіі. "Рускі Добраахвотніцкі корпус" (рускае фармаванне ў складзе УСУ) выклаў у сацсеткі некалькі відэа, знятых у Бранскай вобласці Расіі. На іх байцы стаяць са сцягам корпуса. За спінамі ў іх — фельчарска-акушэрскі пункт і "Пошта Расіі".
Ваяры заклікалі далучацца да супраціву пуцінскаму рэжыму. Таксама хлопцы на відэа кажуць, што яны не ваююць з мірным насельніцтвам.
Тым часам ФСБ паведаміла, што ў Бранскую вобласць прарвалася ўкраінская ДРГ (дыверсійна-разведвальная група).
