Пракаповіч: Мы цалкам задавальняем попыт насельніцтва на валюту
Такую заяву кіраўнік Нацбанка зрабіў сёння — на тле відавочнага дэфіцыту наяўнай валюты, які склаўся апошнімі днямі.
Гэта аптымістычнае меркаванне Пётр Пракаповіч выказаў Аляксандру Лукашэнку.
Ён чарговым разам абверг чуткі пра будучую "разавую дэвальвацыю". "Наш досвед кажа, што рэзкая дэвальвацыя — дрэннае рашэнне для беларусаў", — адзначыў банкір.
У той жа час ён палічыў магчымым панаракаць на празмерныя валютныя апетыты насельніцтва, якое не хоча лічыцца з інтарэсамі нацыянальной эканомікі.
"Задавальняючы гэты попыт цалкам, мы даем дадатковую нагрузку на нашу банкаўскую сістэму, бо ў канчатковым рахунку ўсё гэтае пытанне вырашаецца за кошт нашых золатавалютных рэзерваў. Мы прыцягваем знешнія пазыкі і прадаем валюту насельніцтву замест таго, каб укладваць яе ў развіццё эканомікі", — цытуе БЕЛТА Пракаповіча.
