Рэферэндум пра ўваходжанне ў склад Расіі правядзе Паўднёвая Асеція

У Паўднёвай Асеціі 17 ліпеня пройдзе рэферэндум пра ўваходжанне ў склад Расіі. Адпаведны ўказ падпісаў прэзідэнт рэспублікі Анатоль Бібілаў, перадае Бі-Бі-Сі.

Грамадзянам прапануюць адказаць на пытанне: "Вы падтрымліваеце аб'яднанне Рэспублікі Паўднёвая Асеція і Расіі?"

Паўднёвая Асеція была абвешчаная незалежнай дзяржавай пасля расійска-грузінскай вайны 2008 года. У ёй размяшчаецца расйская вайсковая база. Рэгіён вельмі моцна залежыць ад расійскай фінансавай дапамогі. Летась яна склала 83% даходаў бюджэту Паўднёвай Асетыі. 

Правядзенне рэферэндуму Бібілаў тлумачыць "гістарычным імкненнем народа Рэспублікі Паўднёвая Асеція да ўз'яднання з Расіяй".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.