Расіяне знішчылі ўжо другі падземны шпіталь на "Азоўсталі"
Расійскія войскі знішчылі ўжо другі падземны шпіталь на тэрыторыі металургічнага камбіната "Азоўсталь".
Пра гэта ў эфіры hromadske.ua расказаў сукамандзір палка "Азоў-Кіеў" Максім Жорын. Інцыдэнт адбыўся два дні таму. У выніку ўдару праціўніка загінулі 10 чалавек. Пры гэтым раненні атрымалі і вайскоўцы, і цывільныя.
Пасля знішчэння шпіталя ў байцоў не засталося медыкаментаў, інструментаў і матэрыялаў для перавязак. Ад гэтага нават тыя, хто атрымаў лёгкія раненні, апынуліся ў цяжкім становішчы: ім даводзіцца ампутаваць канечнасці або павольна паміраць.
Жорын зноў падкрэсліў, што і параненым байцам, і астатнім абаронцам неабходная тэрміновая эвакуацыя з "Азоўсталі".
