Расія магла атрымаць новую партыю іранскіх дронаў-камікадзэ
Іранскія дроны-камікадзэ / mil.in.ua
Брытанская разведка папярэджвае пра магчымую новую хвалю расійскіх атак з іх выкарыстаннем.
Расія магла атрымаць новую партыю іранскіх дронаў-камікадзэ. Брытанская разведка папярэджвае пра магчымую новую хвалю расійскіх атак з іх выкарыстаннем. У зводцы адзначаецца, што ўпершыню за тры тыдні аднавіліся расійскія ўдары па Украіне іранскімі дронамі. 6-7 снежня пра гэта заявілі прадстаўнікі ўкраінскіх уладаў. Удары наносіліся ў раёне Запарожжа і Дняпра. 17 дронаў былі збітыя. Сярод іх аказаліся 14 "Шахедаў", піша "Бі-Бі-Сі".
Перад гэтым апошні раз паведамленні пра атакі іранскіх дронаў па ўкраінскай тэрыторыі былі 17 лістапада. Мяркуецца, што запасы дронаў, атрыманых у першай партыі з Ірана, былі вычарпаныя, і РФ магла атрымаць папаўненне.
Іранскія дроны восенню 2022-га прынеслі нямала праблем Сілам абароны Украіны. Аднак украінскае войска хутка прыстасавалася да асаблівасцяў барацьбы з імі. Дапамаглі ў гэтым і заходнія саюзнікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.