Пяць машын сутыкнуліся ноччу на М1 — ёсць загінулы

ДТЗ на трасе М1 / прэс-служба МУС Беларусі​
ДТЗ на трасе М1 / прэс-служба МУС Беларусі​

ДТЗ з удзелам пяці машын адбылося ў ноч на пятніцу на трасе М1 "Брэст — Мінск — мяжа Расіі" недалёка ад Барысава.

Кіроўца Volkswagen Polo не справіўся з кіраваннем, і яго машыну занесла ў адбойнік. Ззаду ў яго ўрэзаўся мікрааўтобус Mercedes. З Volkswagen выйшаў мужчына — паглядзець, што адбылося, і ацаніць шкоду. Яго збіў вялікагруз. Ад атрыманых траўмаў мужчына памёр на месцы.

Усяго ў ДТЗ трапілі два грузавікі, мікрааўтобус і два легкавыя аўто, паведамілі ў прэс-службе МУС.

У сувязі з неспрыяльнымі ўмовамі надвор'я ДАІ нагадвае аб неабходнасці трымаць дыстанцыю і хуткасны рэжым, а таксама быць вельмі ўважлівымі на дарозе. Калі ўсё ж такі здарылася ДТЗ, кіроўца і пасажыры павінныя неадкладна сысці з праезнай часткі ў бяспечнае месца.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі