Праваабаронцы назвалі колькасць затрыманых 23 студзеня ў Беларусі
АМАП на акцыі салідарнасці 23 студзеня / Наша Ніва
Сярод затрыманых — людзі, якія прыносілі бяздомным ежу.
Акцыі салідарнасці прайшлі ў Беларусі ў суботу 23 студзеня. Не абышлося без затрыманняў — праваабаронцы складаюць адпаведныя спісы.
Так, па дадзеных праваабарончага цэнтра "Вясна", у суботу былі затрыманы больш за 130 чалавек. Некаторых адпусцілі. Пра затрыманні паведамляецца не толькі ў Мінску, але і некаторых іншых гарадах.
ТГ-канал "Списки Окрестина" дае іншыя лічбы: затрыманы больш за 150 чалавек. Некаторыя ўжо ўвечары былі змешчаныя ў ЦІП на Акрэсціна.
Затрымлівалі не толькі актывістаў: так, у Міхайлаўскім скверы міліцыя забрала людзей, якія прыносілі бяздомным ежу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.