Прапагандыст Рыгор Азаронак затэлефанаваў Святлане Ціханоўскай
Прапагандыст Рыгор Азаронак затэлефанаваў Святлане Ціханоўскай. Прадстаўнікі Офіса Ціханоўскай запісалі іх размову на відэа.
Тэлефанаванне адбылося падчас традыцыйных анлайн-размоваў, якія Ціханоўская ладзіць з беларусамі.
"Мы ніколі не запісваем размовы з беларусамі, аднак у выпадку з Рыгорам мы папярэдзілі яго пра тое, што запіс вядзецца ў мэтах бяспекі. Паколькі мы чакалі, што гэтую размову выкарыстоўвае рэжымнае тэлебачанне і Рыгор ужо анансаваў у сябе ў канале выхад матэрыялу пра тэлефанаванне, мы перадаем поўны запіс незалежным медыя", — паведамілі ў Офісе Святланы Ціханоўскай.
Падчас размовы Азаронак спрабаваў даставаць Ціханоўскую, тая яму спакойна адказвала.
