Пра адукацыю, дзяржкіраванне і… Раду БНР — эфір з Прысмаковай
Паліна Прысмакова / Еўрарадыё
Раптоўная смерць міністра Макея і развагі пра тое, хто яго заменіць, змусілі задумацца на тэму іншую: дзе будуць набіраць улады Новай Беларусі кадры для функцыянавання дзяржаўных органаў. Прасцей кажучы, наноў паўстае пытанне падрыхтоўкі будучых чыноўнікаў ужо сёння.
Ці варта ўжо сёння думаць пра падрыхтоўку будучых чыноўнікаў для Новай Беларусі і як гэта можна рабіць? Рэформа сістэмы дзяржаўнага кіравання — наколькі гэта складана і калі варта пачынаць рыхтаваць яе? Якую ролю ва ўсіх гэтых працэсах можа і мусіць граць урад у выгнанні і чым сёння жыве Рада БНР? На гэтыя ды іншыя пытанні адказвае прафесар кафедры дзяржаўнага кіравання Атлантычнага ўніверсітэта Флорыды (Маямі, ЗША) Паліна Прысмакова.
