Першы ў Беларусі атрад "народнага апалчэння" сфармавалі на мяжы з Расіяй
У Беларусі з'явіўся першы атрад народнага апалчэння.
Як піша раённая газета "Родная ніва", такі атрад сфармаваны ў аграгарадку Любжа Клімавіцкага раёна Магілёўшчыны. 11 верасня ў мясцовым сельскім клубе з "апалчэнцамі" правёў сустрэчу начальнік упраўлення тэрытарыяльнай абароны — намеснік начальніка Генштаба Узброеных Сіл Беларусі Андрэй Маціевіч.
Ініцыятыву стварыць "народнае апалчэнне" напрыканцы траўня агучыў Аляксандр Лукашэнка. Праца над адпаведным законам яшчэ ідзе.
Тым часам у першы атрад "апалчэнцаў" ужо запісаліся 22 чалавекі.
Варта адзначыць, што Клімавіцкі раён мяжуе з Расіяй.
