Першую у Беларусі крымінальную справу за жарт у Twitter перадалі ў суд

Першую у Беларусі крымінальную справу за жарт у Twitter перадалі ў суд. Пра гэта паведамляе служба інфармацыі пракуратуры горада Мінска.

26-гадовую настаўніцу музыкі з Мінска абвінавачваюць па артыкуле 370 КК — "здзек над дзяржаўнымі сімваламі". Так сілавікі ўспрынялі твіт дзяўчыны, у якім яна перарабіла дзяржаўны гімн Рэспублікі Беларусь. Па словах міліцыі, тэкст у выніку атрымаў "экстрэмісцкую скіраванасць". У красавіку настаўніцу знайшлі і затрымалі, была распачата крымінальная справа.

Пракуратура лічыць, што абвінавачаная "размясціла "новы" тэкст у створаным ёй чат-канале ў сацсетцы, каб прадэманстраваць іншым грамадзянам вынік свайго абразлівага і блюзнерскага стаўлення да дзяржаўных сімвалаў".

Да жанчыны выкарысталі меру стрымання ў выглядзе "асабістага паручыцельства". Яе не змянілі.

Настаўніцы пагражае да 1 года абмежавання волі.