Вы тут

У Мінску ва Уруччы гарэлі склады вайсковай часці

Пажар ва Уруччы / @belsat

Увечары 8 студзеня пажар здарыўся ў вайсковай часці ва Уруччы ў Мінску. У яго ліквідацыі былі задзейнічаны значныя сілы сталічных ратавальнікаў. Прэс-служба МНС паведамляла, што ўзгаранне адбылося на складах. У 17:53 яго ліквідавалі.

Прэс-служба Мінабароны ў 18:04 паведаміла ў Telegram, што "ліквідавана ўзгаранне на тэхнічнай тэрыторыі адной з вайсковых часцей Мінскага гарнізона". Сцвярджаецца, што гарэў "адзін са складоў кабельнай гаспадаркі". Прычыны здарэння высвятляюцца. Пацярпелых сярод людзей няма.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.