Пасля 27 сутак арышту на свабоду выйшла валанцёрка штаба Віктара Бабарыкі
Праз 27 сутак выйшла на волю валанцёрка штаба Віктара Бабарыкі, прадзюсарка тэатральных праектаў хаба Ок16 Іна Кавалёнак. Яна была затрыманая ў Мінску 28 верасня — "узялі" па дарозе ў кавярню.
Кавалёнак абвінавацілі ва ўдзеле ў маршы 29 жніўня. Сведкам па справе быў нейкі "Іваноў Іван Іванавіч".
Грунтуючыся на ягоных сведчаннях, Кавалёнак прысудзілі 13 сутак арышту. Потым суд "дадаў" яшчэ 14 сутак — таксама за акцыю.
Як паведамлялі ў штабе Бабарыкі, адваката на Акрэсціна да Кавалёнак не пускалі. "Нас непакояць нечалавечыя умовы ў камеры без душа, без змывалкі ў прыбіральні. Нас непакояць спробы невядомых вадзіць Іну на" размовы "без удзелу адваката", — заяўлялі ў штабе 21 кастрычніка.
Чтобы следить за важными новостями, подпишитесь на канал Еврорадио в Telegram.
Мы каждый день публикуем видео о жизни в Беларуси на Youtube-канале. Подписаться можно тут.
