Вы тут

"Палітычным" у шклоўскай калоніі нашываюць жоўтыя біркі

Ліст Вітольда Ашурка са шклоўскай калоніі / facebook.com/pyx.by

У шклоўскай калоніі “палітычным” нашываюць жоўтыя біркі. Пра гэта напісаў у лісце палітвязень Вітольд Ашурак.

“Палітычных тут не бракуе. Так што сумаваць нагоды няма. Тым больш, што адміністрацыя выдала загад мець жоўты колер бірак на адзенні, і таму палітычных можна адрозніць здалёк. Гэта многае спрашчае”, — цытуе яго допіс прэс-служба Руху "За свабоду".

Ашурак упэўнены, што ў нашых умовах будзе вельмі карысны досвед Другой Сусветнай вайны. Як вядома, падчас вайны жоўтыя зоркі нашывалі на вопратку габрэям. 

Вітольд Ашурак быў асуджаны на пяць гадоў калоніі. Суд над ім быў закрытым.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.