Пад Касцюковічамі змагаюцца з буйным лясным пажарам
Лясны пажар / Ілюстрацыйнае фота pixabay.com
Пад Касцюковічамі ў Магілёўскай вобласці змагаюцца з буйным лясным пажарам. Плошча ўзгарання перавышае 10 гектараў, паведамляе у панядзелак прэс-служба Міністэрства лясной гаспадаркі Беларусі.
Сітуацыю ўскладняе моцны вецер — агонь у лесе хутка распаўсюджваецца. На ліквідацыі пажару працуе шэсць адзінак тэхнікі і больш за паўсотні чалавек з дзяржлесаховы.
Прычыну пажару яшчэ высвятляюць. Адзначаецца, што выявіць ачаг дапамагла аўтаматызаваная сістэма.
