Пад беларускай вёскай знайшлі скарб часоў позняй Рымскай імперыі

Пад беларускай вёскай знайшлі скарб часоў позняй Рымскай імперыі

“Чорныя капальнікі” знайшлі ля вёскі пад Лідай калекцыю срэбных прадметаў, пакрытых пазалотай. Гэтыя артэфакты, верагодна, былі вырабленыя яшчэ ў часы позняй Рымскай імперыі ў ІІ-IV стагоддзях нашай эры.

Але яны захоўваюцца не ў беларускім музеі, а ў прыватнай калекцыі ў адной з краін Еўрасаюза. Пра гісторыю неверагоднай знаходкі і яе лёс распавядае Budzma.

Пад беларускай вёскай знайшлі скарб часоў позняй Рымскай імперыі
Вось як выглядаюць некаторыя элементы з гэтай калекцыі / budzma

Скарб прыватнага калекцыянера складаецца з дзесяці прадметаў, зробленых са срэбра. Сярод іх — наладкі, фібула, а таксама яшчэ шэраг прадметаў, разгадаць назначэнне якіх уласнік не змог. Усе прадметы пакрытыя пазалотай.

Пад беларускай вёскай знайшлі скарб часоў позняй Рымскай імперыі
Некалькі залатых знаходак “чорныя капальнікі” здалі папросту на лом! / Budzma.org

Але артэфактаў было болей. Не ўсе атрымалася захаваць. Так, некалькі залатых знаходак “чорныя капальнікі” здалі папросту на лом! А адзін срэбраны дэнарый Марка Аўрэлія, які быў імператарам Рыма ў II стагоддзи, пакінулі сабе і не сталі прадаваць калекцыянеру.

Сам уладар скарбу пакуль не плануе вяртаць яго ў Беларусь, але даў згоду на тое, каб прадметы сфатаграфавалі і апісалі. Маўляў, інфармацыя пра знаходку павінная быць у навуковым ужытку.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі