Вы тут

Офіс Ціханоўскай: беларусам Украіны дадуць аднавіць легальны статус

Анісія Казлюк (на першым плане) / facebook.com/anisia.kozliuk

Для беларусаў Украіны будзе адкрытая працэдура аднаўлення легальнага статусу. Гэтаму паспрыяла сённяшняе затрыманне і вызваленне праваабаронцы Анісіі Казлюк (Гурскай) у Кіеве.

Калі выпадак набыў розгалас, прадстаўнік Ціханоўскай Валерый Кавалеўскі звярнуўся ў МУС і Дэпартамент міграцыйных справаў Украіны, а таксама да старшыні камітэта па правах чалавека Вярхоўнай Рады Дзмітра Лубянца. Той запэўніў, што Анісію ніхто высылаць з Украіны не будзе, штамп у пашпарт не паставяць, аформяць адміністратыўны пратакол і сімвалічны штраф.

Так і атрымалася.

"Гісторыя прыкрая і непрыемная, але можа стаць важным прэцэдэнтам для таго, каб не дапусціць падобных сітуацый з беларусамі ў будучыні", — каментуе Кавалеўскі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.