Невядомыя ў люльцы паспрабавалі прымусіць мужчыну зняць сцяг з балкона

Незвычайны выпадак здарыўся на вуліцы Бабруйскай у Мінску. Двое невядомых у цывільным адзенні і ў масках падняліся на пад'ёмніку, каб прымусіць уладальніка кватэры зняць БЧБ-сцяг з балкона.

"Хто вы такія?" — пытаецца жыхар кватэры.

Але "госці" адмаўляюцца прадстаўляцца і баўбочуць сабе пад нос, што яны з міліцыі. І ўсё здымаюць на камеру.

Урэшце невядомыя ў цывільным сыходзяць з пустымі рукамі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.