Першая лэдзі ЗША Джыл Байдэн прыехала ва Ужгарад, які знаходзіцца на тэрыторыі заходняй Украіны, піша CNN.
Гэты візіт нідзе не анансаваўся. Джыл Байдэн сустрэлася ва Ужгарадзе з першай лэдзі Украіны Аленай Зяленскай на тэрыторыі школы, якая пераабсталявана пад часовы лагер для ўцекачоў.
Алену Зяленскую не бачылі на публіцы з пачатку расійскага ўварвання ва Украіну 24 лютага. Джыл Байдэн — першая прадстаўніца сям'і амерыканскага прэзідэнта, якіая наведала Украіну ў дні вайны.