Навукоўцы: праз больш цёплае лета можа быць больш выпадкаў раку скуры

Кіраўніца групы па даследаванні меланомы ва ўніверсітэце Лідса Джулія Ньютан-Бішап дадала: "Меланома ў асноўным выклікаецца сонечнымі апёкамі, а ўмовы надвор'я настолькі экстрэмальныя, што я занепакоеная тым, што колькасць сонечных апёкаў будзе павялічвацца, а пазней павялічыцца і захваральнасць на рак".

Выданне прыводзіць статыстыку па Вялікабрытаніі: смяротнасць ад раку скуры сярод мужчын у каралеўстве вырасла больш чым у тры разы з 1970-х, ёсць павелічэнне і сярод жанчын. Адзін з фактараў — больш доўгае знаходжанне на сонцы. Як адзначаюць у Cancer Research UK, сонечныя апёкі скуры, якія атрымліваюцца ўсяго толькі раз на два гады, ужо патройваюць рызыку меланомы.

Як засцерагчы сябе?

Паменшыць рызыку меланомы досыць проста: трэба пазбягаць знаходжанне пад пякучым сонцам з 11:00 да 15:00 і імкнуцца знаходзіцца ў цені. Рэкамендуецца надзяваць галаўныя ўборы і лёгкае адзенне, якое закрывае максімум скуры.

Яшчэ адна важная рэкамендацыя: выкарыстоўваць сонцаахоўны крэм. І не толькі калі вы на моры.

Вельмі важная ранняя дыягностыка: напрыклад, сачыць за сваімі радзімкамі і тым, ці не змяняюцца яны ў форме або па колеры. Пры любых падазрэннях трэба адразу наведаць лекара — перастрахавацца лепш, чым недаглядзець.