Нават лукашэнкаўскія выйдуць: на Краснасельскім цэментным заводзе ўпалі заробкі

ААТ "Краснасельскбудматэрыялы" / cementby.com​
ААТ "Краснасельскбудматэрыялы" / cementby.com​

Работнікі ААТ "Краснасельскбудматэрыялы" — аднаго з трох мадэрнізаваных цэментных заводаў — скардзяцца на падзенне заробкаў.

— Цяпер на рукі я атрымліваю 600 рублёў. Улетку я атрымліваў прыблізна 1200. Фактычная зарплата ўпала таму, што нас прымушаюць загадам гуляць па тры дні, — распавядае Еўрарадыё інжынерна-тэхнічны работнік завода. — Акрамя таго, не плаціцца прэмія. З-за гэтых і іншых фактараў зарплата ў некаторых ледзь не ў два разы меншая. А работы менш не становіцца.

Яшчэ адзін работнік завода дасылае свае разліковікі. За жнівень 2020 года ён атрымаў на рукі 723 рублі + 214 рублёў авансу. А за студзень — 404 рублі + аванс 172 рублі.

“Даже лукашенковские выйдут”: на Красносельском цементном заводе упали зарплаты
Разліковы ліст работніка ААТ "Краснасельскбудматэрыялы" / Еўрарадыё

— Поўны аванс звычайна 250-280 рублёў. Цяпер ужо двойчы прыйшоў па 92 рублі. Спіхнулі ўсё на нейкія праблемы з абавязкамі, — расказвае рабочы з Краснасельска. — Раней грузчыкі атрымлівалі больш за майстра, ды і аб'ём працы быў меншы. Нам даплачвалі за ўборку тэрыторыі, цяпер такога няма. У летні сезон аб'ём працы зараз робіцца вялікі, зарплата 1200, але гэта таго не варта. А зімой прымусова прымушаюць гуляць выхадныя без захавання зарплаты.

Заробкі рэжуць, аб'ём працы не змяншаецца, а наадварот павялічваецца. Раней такога не было. "Кантору" увесь час АБЭЗ "шчэміць", а толку няма. На днях АМАП каля "канторы" круціўся. Не ведаю, з чым гэта звязана, але ўсё ж.

Праблемы з заробкамі на КБМ звязваюць з уступленнем у холдынг — Беларускую цэментную кампанію. Гэта адбылося ў 2018 годзе.

— Зімой заробак падае ў нас даўно. Такая сітуацыя на многіх заводах. Але цяпер гэта адчулася вельмі моцна. Нават лукашэнкаўскія з завода кажуць, што калі ім не будуць плаціць зарплату, то выйдуць на дэманстрацыю, — працягвае інжынер. 

Перанакіроўваем гэтыя пытанні намесніку гендырэктара ААТ "Краснасельскбудматэрыялы" Генадзю Найдзюку. Ён адказвае, што хутка падаспее афіцыйны каментар. Але не вось проста зараз.

“Даже лукашенковские выйдут”: на Красносельском цементном заводе упали зарплаты

"Мы падрыхтуем інфармацыю, яна з'явіцца да выхадных. Гэтую інфармацыю мы рыхтуем і для БЕЛТА, так што і вы будзеце мець гэтую інфармацыю. Усё будзе", — абяцае намеснік дырэктара.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі