Наталля Качанава атрымала медаль "за ўмацаванне дэмакратыі"
Наталля Качанава / БЕЛТА
Кіраўнік Савета Рэспублікі і ўпаўнаважаны прадстаўнік Аляксандра Лукашэнкі па горадзе Мінску Наталля Качанава ўзнагароджана медалём "За ўмацаванне парламенцкага супрацоўніцтва", паведамляецца на афіцыйным сайце Савета Рэспублікі.
Узнагароду Наталля Качанава атрымала "за асаблівы ўнёсак у развіццё парламентарызму, умацаванне дэмакратыі, забеспячэнне правоў і свабод грамадзян у дзяржавах — удзельніцах Садружнасці Незалежных Дзяржаў".
Медаль была заснаваная ў 2013 годзе. Вырабляецца яна з срэбра з пазалотай. Сярод беларусаў гэтай медалём узнагароджаны дэпутаты Уладзімір Андрэйчанка і Ігар Марзалюк.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.