Начныя замаразкі чакаюцца ў Беларусі месцамі ў першы дзень лета
1 чэрвеня ў Беларусі чакаецца пераменная воблачнасць. Будзе пераважна без ападкаў, паведамляе Белгідрамет.
Уначы і зранку ў асобных раёнах прагназуецца слабы туман. Вецер уначы будзе няўстойлівы слабы, удзень — паўночна-заходні слабы да ўмеранага.
Уначы тэмпература паветра будзе +2...+8, а на глебе ўначы і зранку месцамі чакаюцца замаразкі — ад 0 да -3. Удзень тэрмометры пакажуць 14-20 цяпла.
