На саміце G7 Зяленскі заклікаў скончыць вайну да канца года
На саміце краін G7 па відэасувязі выступіў прэзідэнт Украіны Уладзімір Зяленскі, перадае нямецкая радыёстанцыя, прызнаная ў Беларусі экстрэмісцкай.
Ён падзякаваў лідарам заходніх краін за абаронную і фінансавую дапамогу Украіне і заклікаў узмацняць санкцыі супраць Расіі: "Для нас важная і паслядоўная пазіцыя краін G7 наконт санкцый. Яны павінны і далей ўзмацняцца, у прыватнасці шляхам абмежавання цаны на нафту, якую экспартуе агрэсар".
Паведамляецца, што ўкраінскі прэзідэнт заклікаў лідараў G7 зрабіць "вялікі рывок", каб скончыць вайну да канца года.
Саміт "вялікай сямёркі" праходзіць у Баварыі.
Напярэдадні чатыры краіны, якія ўваходзяць у G7, абвясцілі, што забароняць пастаўкі расійскага золата.
