Мытня атрымае доступ да звестак пра банкаўскія рахункі беларусаў
Банкі павінныя будуць даць інфармацыю цягам трох дзён пасля атрымання запыту.
Банкі будуць даваць мытным органам звесткі аб рахунках, электронных кашальках альбо рэштках грошай (у тым ліку электронных) на рахунках беларусаў. Адпаведныя нормы змяшчаюцца ў пастанове Дзяржаўнага мытнага камітэта і праўлення Нацбанка ад 25 траўня 2021 г. № 13/136.
На запыты мытнікаў банкі будуць паведамляць звесткі пра здзелкі, аперацыі без адкрыцця рахунку, маёмасць, што знаходзіцца на захоўванні ў банку.
Паведамляецца, што інфармацыя з банкаў у мытню будзе перадавацца на працягу трох працоўных дзён пасля атрымання запыту.
Пастанова набывае моц з 1 ліпеня 2021 года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.