Міжнародныя авіярэйсы пачалі абмінаць Беларусь

Міжнародныя авіякампаніі вырашылі пазбягаць паветраную прастору Беларусі не чакаючы афіцыйных забаронаў. Як заўважыла Еўрарадыё, ужо як мінімум два рэйсы авіякампаніі AirBaltic аблятаюць Беларусь, каб не трапіць у яе паветраную прастору. Гэта рэйс Рыга — Адэса і Рыга — Тбілісі.

У свеце выклікала вялікі розгалас прымусовая пасадка пасажырскага самалёта Ryanair у мінскім аэрапорце пад канвоем ваеннага знішчальніка і затрыманне журналіста Рамана Пратасевіча. Кіраўнікі многіх краінаў выказаліся за тое, каб закрыць паветраную прастору Беларусі для міжнародных авіярэйсаў.