Міжнародная федэрацыі журналістаў супраць сяброўства Беларусі ў арганізацыі
Акцыя журналістаў / Еўрарадыё
Камітэт Міжнароднай федэрацыі журналістаў (IFJ) рэкамендаваў адхіліць беларускае прадстаўніцтва ад сяброўства.
"Журналісты заслугоўваюць самай поўнай падтрымкі ў гэтыя крытычныя часы. Свабоду зняволеным журналістам", — напісала арганізацыя на сваёй странце ў Twitter.
Зараз у IFJ Беларусь прадстаўляе праўладнае аб'яднанне "Беларускі саюз журналістаў", якое ўзначальвае прапагандыст Агенцтва тэленавін Белтэлерадыёкампаніі Андрэй Крывашэеў.
IFJ — найбуйнейшая ў свеце арганізацыя прафесійных работнікаў СМІ. Яна прадстаўляе каля 600 тысяч журналістаў з 146 краінаў і абараняе іх сацыяльныя і прафесійныя правы. IFJ мае кансультатыўны статус у ЮНЕСКА, Камітэце па правах чалавека ААН, а таксама ў Савеце Еўропы і іншых міжнародных арганізацыях.
@IFJGlobal Administrative Committee recommends Executive suspend PaBUJ, Belarus from IFJ membership. Free jailed journalists! pic.twitter.com/eaeMeF0Bzl
— IFJ (@IFJGlobal) June 3, 2021
