Мінздароўя дазволіла пакідаць захварэлых дзяцей дома без даведкі на 5 дзён
Пачынаецца сезон ВРВІ / ілюстрацыйнае фота pixabay.com
Міністэрства аховы здароўя Беларусі рэкамендуе не патрабаваць даведкі ў дзяцей, якія праз хваробу вымушаныя прапусціць да пяці дзён навучання. Пра гэта гаворыцца ў лісце за подпісам міністра Дзмітрыя Піневіча. Там таксама адзначаецца, што гэтая мера прынятая "на перыяд высокага ўздыму захворвання і з мэтай прадухілення распаўсюджвання інфекцый".
У афіцыйным Telegram-канале адной з мінскіх школ таксама з'явілася інфармацыя, што "для таго каб прадухіліць распаўсюд COVID-19", навучэнцы, якія маюць прыкметы ВРВІ, могуць не хадзіць на вучобу цягам 5 дзён. "Пры гэтым даведка аб стане здароўя і часовай непрацаздольнасці не патрабуецца", — гаворыцца ў паведамленні.
Летась праз тое, што дзіця нельга было пакінуць дома без даведкі, у мінскіх паліклініках выстройваліся вялізныя чэргі.
