Мінскага айцішніка затрымалі за скаргі на прапагандыстаў у інтэрнэце
У Мінску сілавікі затрымалі 34-гадовага IT-спецыяліста. Пакаяльнае відэа з ім з'явілася ў праўладным тэлеграм-канале.
Мужчыну вінавацяць ва ўдзеле ў пратэсных акцыях 2020 года і выхадзе на праезную частку. На відэа ён кажа, што працуе ў iTechArt Group, і называе свой заробак.
Таксама мужчына гаворыць, што рассылаў скаргі на каналы "прапагандыстаў і журналістаў" дзеля іх блакавання.
