Міністр аховы здароўя пахваліўся беларускай вакцынай "Спутник Лайт"
Міністр аховы здароўя Дзмітрый Піневіч на нарадзе 18 красавіка прадэманстраваў Аляксандру Лукашэнку вакцыну "Спутник Лайт" беларускай вытворчасці, паведамляе прэс-служба міністэрства.
Па словах Піневіча, на РУП "Белмедпрэпараты" выкананы чарговы этап сумеснага беларуска-расійскага праекта па выпуску антыкавіднай вакцыны па поўным цыкле.
Валідацыйная прамысловая серыя вакцыны была выпушчаная 14 красавіка. На наступны дзень яе адправілі на кантроль якасці ў Расію — у цэнтр імя Гамалеі.
