Мінэнерга назвала папярэднюю прычыну аварыі на Лукомльскай ДРЭС
У Міністэрстве энергетыкі пракаментавалі аварыю на Лукомльскай ДРЭС.
"З-за пажару на Лукомльскай ДРЭС парушанае электразабеспячэнне населеных пунктаў Магілёўскай і Віцебскай абласцей. Адключаныя 8 энергаблокаў ДРЭС і ўсе выходныя лініі 330 кВ", — гаворыцца ў паведамленні.
Папярэдняй прычынай пажару на ДРЭС называюць пашкоджанне вымяральнага трансфарматара.
Тым часам у ТГ-каналах пішуць, што ў Магілёў пачынае вяртацца электрычнасць.
Прэс-служба МНС не пацвярджае пажар на наваполацкіх прадпрыемствах. Мясцовыя жыхары кажуць, што гэта гараць аварыйныя факелы, якія сведчаць пра спыненне цэхаў.
