Мастака-палітвязня Алеся Пушкіна ў калоніі змясцілі ў ПКТ на пяць месяцаў

Мастака-палітвязня Алеся Пушкіна ў калоніі змясцілі ў ПКТ на пяць месяцаў

Мастака-палітвязня Алеся Пушкіна ў калоніі "Воўчыя норы" (Івацэвічы) пакаралі пяццю месяцамі ў ПКТ, паведамляюць праваабаронцы "Вясны".  

Памяшканне камернага тыпу (ПКТ) — гэта спецыяльная камера, куды пераводзяць вязняў у якасці пакарання за злосныя парушэнні парадку калоніі. У "Воўчых Норах" Пушкін знаходзіцца з сярэдзіны красавіка.

У інтэрв'ю "Народнай Волі" жонка Пушкіна Яніна распавяла, што нядаўна адвезла яму 50-кілаграмовую харчовую перадачу. А сустрэчы з роднымі палітвязню забаранілі да канца года — нібыта караюць за нейкія парушэнні.

Пушкіна асудзілі на 5 гадоў, прызнаўшы вінаватым у "наўмысных дзеяннях у рэабілітацыі нацызму, учыненых групай асоб" і "здзеку з дзяржаўных сімвалаў". Нагодай стаў партрэт антысавецкага партызана Яўгена Жыхара, які Пушкін выставіў у Гродне, і перформанс, які ён правёў у Кіеве.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі