Магілёвец загінуў ад дэльтаплана ў сваім гаражы

Дэльтаплан у гаражы / sk.gov.by
Дэльтаплан у гаражы / sk.gov.by

У Магілёве Следчы камітэт высвятляе абставіны гібелі 29-гадовага мужчыны.

11 траўня мясцовы жыхар знайшоў свайго прыяцеля мёртвым у недабудаваным гаражы ў аграгарадку Вейна каля Магілёва. Побач з целам загінулага быў дэльтаплан.

Выявілася, што некалькі гадоў таму магілёвец набыў дэльтаплан і неаднаразова падымаўся на ім у паветра. Потым ён удасканальваў апарат, набываў для яго запчасткі і дапрацоўваў лятальную тэхніку.

Сёлета, калі пацяплела, малады чалавек стаў рыхтаваць дэльтаплан да эксплуатацыі. У гаражы ён вырашыў праверыць працоўны стан тэхнікі і запусціў рухавік. Лопасці, якія былі ў складзеным гарызантальным стане, пачалі круціцца і да смерці пакалечылі мужчыну.

Магілёўскі міжраённы аддзел Следчага камітэта праводзіць праверку па гэтым факце.

Магілёвец загінуў ад дэльтаплана ў сваім гаражы

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі